“Udhëtojmë për rezultat pozitiv, pasi kemi skuadër me kualitative se KEK-u. Ky takim do të jetë shumë interesant për faktin që përballë do ta kemi ish-bashkëlojtarin tonë Kastriot Rexha, nga i cili duhet të kemi kujdes”, ka thënë Mentor Zhdrella

Veton Zymberi

Sulmuesi i KEK-ut, Kastriot Rexha me padurim është duke e pritur përballjen me ish-skuadrën e tij, Hysin. Ai ka bërë të ditur se dëshiron t’i mposht ish-shokët nga Merdari.

“Varësisht se më çfarë përbërje do të paraqitet KEK-u dhe Hysi pres një lojë shumë të fortë dhe interesante. Hysi është një ekip i ndërtuar mirë, por ne i hyje këtij takimi për fitore. Ndërsa për mua ky do të jetë takim i veçantë pasi isha pjesë e skuadrës së Hysit”, ka thënë Rexha, i cili ka paralajmëruar skuadrën se rreziku kryesor vjen nga mesfushori ofansiv Mentor Zhdrella.

“Zhdrella e njoh shumë mirë pasi ishim pjesë të 2 Korrikut, dhe ai është ndër futbollistët me të mirë në ligë. Ne duhet të kemi shumë kujdes se rreziku vjen pikërisht nga këmbët e tij”, ka shtuar Rexha.

Zhdrella: Udhëtojmë për rezultati pozitive, pasi jemi me kualitativ

Ndërsa në anën tjetër mesfushori, Mentor Zhdrella, ka thënë se skuadra e drejtuar nga Muharrem Sahiti udhëton drejtë Kastriotit për të marrë rezultat pozitiv. Kurse e veçanta e kësaj përballje sipas mesfushorit të talentuar është përballja me ish-bashkëlojtarin, Kastriot Rexha.

“Udhëtojmë për rezultat pozitiv, pasi kemi skuadër me kualitative se KEK-u. Ky takim do të jetë shumë interesant për faktin që përballë do ta kemi ish-bashkëlojtarin Kastriot Rexha, nga i cili duhet të kemi kujdes”, ka thënë Mentor Zhdrella. Skuadra e KEK-ut renditet në pozitën e pestë me shtatë pikë, kurse Hysit renditët në pozitën e tretë me nëntë pikë të tubuara.