Mesfushori Mentor Zhdrella është shpallur futbollisti me i mirë për vitin 2009. Zhdrella ka marrë me së shumti vota nga 12 trajner të Raiffeisen Superligës së Kosovës në Futboll. Pasi ka marrë shpërblimin mesfushori i KF Hysit, është shprehur i lumtur për ketë çmim.

“Faleminderit për çmimin. Me lojërat e treguara mendoj se e kam merituar”, ka thënë Mentor Zhdrella, i cili edhe me herët kishte deklaruar se e meriton epitetin e futbollistit me të mirë për vitin 2009. Ndërsa shoku i skuadrës, Enis Zabergja është shpallur golashënuesi me i mirë me 21 gola të shënuara.

Ish-trajnerit të Lirisë, Erdogan Cilina i ka takuar epiteti i trajnerit me të mirë, kurse KF Hysi nga Besiana është shpallur skuadra me Fair-play. Kampionia aktuale, Prishtina është shpallur skuadra me e mirë. Ndërsa gjyqtari i njohur kosovar Përparim Hasani është zgjedhur gjyqtari më i mirë për të katërtën herë radhazi, kurse Nexhmedin Haxhiu u shpall punëtori me i mirë sportiv.

FFK-ja nuk ka harruar as futbollistet, ku me e mira është shpallur Albina Ramadanin, anëtare e Kosovës së Prishtinës, kurse Qëndresa Krasniqi është shpallur talentja me e madhe. Skuadra e Kosovës së Prishtinës rrëmbej edhe epitetin e klubit me te suksesshëm.

Skuadra e Fenix është shpall skuadra me e mirë në futsall, kurse epitetit me të mirë në ketë ligë i takoj Mentor Mejzini (Fenixi). FFK-ja ka nderuar me mirënjohje edhe ata që kontribuuan në diasporë. Klubi më i suksesshëm është zgjedhur KF Kosova nga Zurichu, ndërsa punëtori më i mirë Mbronz Gegaj, anëtarë i KF Kosova nga Munihu. Me mirënjohje të veçanet është nderuar edhe Ardian Kozniku, ish-futbollist i dëshmuar. Me mirënjohje janë nderuar: Raiifeisen Bank, Ministria e Sportit, SHPK-ja, Rinora 4 si dhe Shoqata e Gazetarëve Sportiv.

Dhjetë futbollistët më të mirët për vitin 2009

1.Mentor Zhdrella          (Hysi)

2.Behar Maliqi              (Prishtina)

3.Haxhi Zeka                 (Besa)

4.Ymer Xhaferi              (KEK-u)

5.Enis Zabërxha            (Hysi)

6.Elvis Osmani              (Trepça)

7.Labinot Osmani         (Hysi)

8.Fitim Krusha              (Liria)

9.Roland Duraku           (Liria)

10.Faton Zejnullahu     (Flamurtari)



Veton Zymberi